Qazaqstan Respýblıkasy Aýyl sharýashylyǵy mınsıtrliginiń buıryǵy  №19-1/275

  2015 jylǵy 30 naýryz,  Astana qalasy Aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń 7-6) tarmaqshasyna sáıkes buıyramyn: 1. Qosa berilip otyrǵan Aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Investısııalar jáne damý mınıstri Qorǵanys mınıstri ___________ Á.Isekeshev ___________ I.Tasmaǵambetov 2015 jylǵy 21 sáýir 2015 jylǵy 10 sáýir «KELISILGEN» «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Qazaqstan Respýblıkasynyń Ulttyq qaýipsizdik komıtetiniń Ishki ister mınıstri Energetıka mınıstri tóraǵasy___________ N.Ábiqaev ___________ Q.Qasymov ___________ V.Shkolnık 2015 jylǵy 12 mamyr 2015 jylǵy 24 sáýir 2015 jylǵy 4 sáýir Qazaqstan Respýblıkasy Aýyl sharýashylyǵy mınıstriniń 2015 jylǵy 30 naýryzdaǵy №19-1/275 buıryǵymen bekitilgen Aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý qaǵıdalary 1. Jalpy erejeler 1. Osy Aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksine sáıkes ázirlendi jáne aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý tártibin aıqyndaıdy. 2. Osy Qaǵıdalarolardyń tıesiligine qaramastan, aýmaqtyq sýlarda (teńizde) júzýdi jáne sharýashylyq, zertteý, izdestirý jáne kásipshilik jumystaryn júrgizýdi júzege asyratyn barlyq kemelerge qoldanylady. 3. Osy Qaǵıdalarda mynadaı uǵymdar paıdalanylady: 1) zertteý jumystaryn júrgizý, zertteý qyzmeti – gıdrografııalyq, gıdrologııalyq, gıdrometeorologııalyq, gıdrohımııalyq jáne geofızıkalyq jumystardy júrgizýge baılanysty qyzmet, sondaı-aq sýlar men teńiz túbi florasynyń, faýnasynyń jaı-kúıin zertteý; 2) kásipshilik jumystardy júrgizý, kásipshilik qyzmet – balyqtardy, basqa sý janýarlaryn jáne ósimdikterdi ustaýǵa jáne qorǵaýǵa baılanysty kez kelgen jumys; 3) sharýashylyq jumystaryn júrgizý, sharýashylyq qyzmet – aýmaqtyq sýlardaǵy (teńizdegi) kemelerde júzege asyrylatyn barlyq jumystar men qyzmetterdiń túrleri; 4) izdestirý jumystaryn júrgizý, izdestirý qyzmeti – sý túbin zerdeleýge jáne paıdaly qazbalardy izdeýge baılanysty geologııalyq jumystar júrgizý. 4. Teńiz porttary aıdynynyń sheginde jáne keme qozǵalysyn basqarý qyzmetteriniń is-qımyly aımaǵynda júzý jáne sharýashylyq, zertteý, izdestirý jáne kásipshilik jumystaryn júrgizý kezinde «Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasy Zańynyń 4-baby 3-tarmaǵynyń 55-11) tarmaqshasyna sáıkes bekitilgen Qazaqstan Respýblıkasynyń teńiz porttarynda jáne olarǵa kireberisterde kemelerdiń júzý jáne turaqta turý qaǵıdalary saqtalady. 2. Aýmaqtyq sýlarda (teńizde) júzý jáne sharýashylyq, zertteý, izdestirý jáne kásipshilik jumystaryn júrgizý tártibi 5. Memlekettik jáne memlekettik emes kemelerdiń, muz ústimen jyljıtyn quraldardyń ornalasý pýnkterinen shyǵý (shyǵarylý) qujattaryn resimdeý, aılaqtardy, keme turaqtaryn, ornalasý pýnktterin, memlekettik jáne memlekettik emes kemelerdi, muz ústimen jyljıtyn quraldardy ýaqytsha esepke qoıý, kútip-ustaý, sondaı-aq jabdyqtaý «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń 9-baby 1-tarmaǵynyń 26-16) tarmaqshasyna sáıkes bekitilgen kemelerdiń portqa kirý jáne olardyń porttan shyǵý, kemelerdiń port akvatorııasy sheginde júzýi men portta turý qaǵıdalaryna sáıkes júzege asyrylady. 6. Aýmaqtyq sýlarda (teńizde) júzý kezinde memlekettik jáne memlekettik emes kemeler, sheteldik áskerı emes kemeler jáne áskerı korablder navıgasııalyq-gıdrografıkalyq jabdyqpen qamtamasyz etilgen qozǵalys joldaryn ustanady. 7. «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵyQazaqstan Respýblıkasy Zańynyń 50-baby 3-tarmaǵyna sáıkes sheteldik áskerı korabl Qazaqstan Respýblıkasy belgilegen aýmaqtyq sýlarda (teńizde) júzý tártibin buzǵan jaǵdaıda, Qazaqstan Respýblıkasy Ulttyq qaýipsizdik komıtetiniń Shekara qyzmeti (budan ári –Shekara qyzmeti)jáne Qazaqstan Respýblıkasynyń Qarýly Kúshteri odan aýmaqtyq sýlardy (teńizdi) dereý tastap shyǵýdy talap etedi. 8. Aýmaqtyq sýlarda (teńizde) súńgýir qaıyqtar men basqa sý asty kólik quraldary sý betinde júredi jáne ózderiniń týlaryn kóteredi. 9. Memlekettik jáne memlekettik emes kemeler, sheteldik áskerı emes kemeler jáne áskerı korablder Qazaqstan Respýblıkasynyń aýmaqtyq sýlaryndaǵy (teńizdegi) kemelerdiń soqtyǵysýyna jol bermeıdi. 10. Aýmaqtyq sýlar (teńiz) arqyly ótýdi júzege asyrý kezinde ıadrolyq qozǵaltqyshy bar sheteldik áskerı emes kemelerdiń jáne áskerı korablderdiń, sondaı-aq ıadrolyq jáne basqa qaýipti nemese óziniń tabıǵaty boıynsha ýly zattardy tasymaldaıtyn kemelerdiń borttarynda qujattary bolýy tıis jáne osyndaı kemeler úshin Qazaqstan Respýblıkasynyń halyqaralyq kelisimderi men sharttarynda belgilengen erekshe saqtyq sharalaryn saqtaıdy. 11. Aýmaqtyq sýlarda (teńizde) sharýashylyq, zertteý, izdestirý jáne kásipshilik jumystaryn júrgizý Shekara qyzmetin habardar ete otyryp, júzege asyrylady. Janýarlar álemin qorǵaý, ósimin molaıtý men paıdalaný jáne erekshe qorǵalatyn tabıǵı aýmaqtar salasyndaǵy ýákiletti organnyń laýazymdy adamdary ózderiniń fýnksıonaldyq mindetterin oryndaý úshin júzý quraldarymen jáne ózge de kólik quraldarymen aýmaqtyq sýlarǵa (teńizge) shyǵýdy habarlaýsyz, Shekara qyzmetimen kelisilgen tizimder boıynsha júzege asyrady. Tizim bes jumys kúni ishinde kelisiledi. 12. Qazaqstan Respýblıkasynyń aýmaqtyq sýlarynda (teńizde) teńiz ǵylymı zertteýlerin, izdestirý qyzmetin júrgizýge nıeti bar Qazaqstan Respýblıkasynyń memlekettik organdary men halyqaralyq uıymdar olardy Shekara qyzmetimen kelisedi jáne Qazaqstan Respýblıkasy Qarýly Kúshteriniń Áskerı-teńiz kúshteri Gıdrografıkalyq qamtamasyz etý qyzmetine jumystardyń bastalýynyń boljamdy kúnine deıin keminde on kúntizbelik kún buryn: 1) shaǵyn kólemdi ózdiginen júzetin jáne ózdiginen júzbeıtin (sýústi jáne sýasty) kemelerdiń (quraldardyń) jáne muz ústimen jyljıtyn quraldardyń aýmaqtyq sýlarǵa (teńizge) jáne ishki sýlarǵa shyǵý maqsattary, ýaqyty jáne marshrýty (aýdandary), olardyń tıpteri jáne tirkeý nómirleri, sondaı-aq tirkelimge alý oryndary; 2) jobanyń sıpaty men maqsattary; 3) kemeniń ataýyn, tıpi men synybyn jáne ǵylymı jabdyqtyń sıpattamasyn qosa alǵanda, qoldanylatyn ádis pen quraldar; 4) joba júrgiziletin aýdandar boıynshadál geografııalyq derekter; 5)zertteý kemeleriniń alǵashqy kelýiniń jáne sońǵy ketýiniń nemese tıisti jaǵdaılarda jabdyqty ornalastyrýdyń jáne alýdyń boljamdy kúnderi; 6) jobaǵa jaýapty uıymnyń ataýy, basshysy jáne adamy týraly tolyq aqparatty usynady. 13. Qazaqstan Respýblıkasynyń aýmaqtyq sýlarynda (teńizde) sharýashylyq, zertteý, izdestirý jáne kásipshilik jumystaryn júrgizý halyq densaýlyǵyna, ekologııalyq jáne ózge de qaýipsizdigine nuqsan keltirmeýi nemese osyndaı nuqsan keltirý qaýpin týdyrmaýy, sondaı-aq Qazaqstan Respýblıkasynyń Memlekettik shekarasyn ustaýǵa jáne Shekara qyzmetine mindetterin oryndaýǵa kedergi jasamaýy tıis. 14. Zertteý qyzmeti tek beıbit sıpatta bolýy jáne Qazaqstan Respýblıkasynyń qorǵanysy men qaýipsizdigine qater tóndirmeýi tıis. Buıryq Qazaqstan Respýblıkasynyń Ádilet mınıstrliginde 2015 jylǵy 18 maýsymdaǵy Normatıvtik quqyqtyq kesimderdi memlekettik tirkeýdiń tizilimine №11391 bolyp engizildi.